影片
更多
2024-06-10
38 瀏覽
2024年5月28日 星期二好耐之前喺石門已經好想試呢間餐廳，今日見到網上評價唔錯，好有韓國feel，今日終於有機會同老婆嚟一坐低已經提供咗前菜同調味料俾我哋，四款前菜分別有泡菜、魚糕片同芽菜等等，泡菜酸酸辣辣幾開胃，而魚糕片都好彈牙，芽菜就夠爽口餐牌主要分咗套餐同散叫，套餐根據唔同人數而有所增減菜式，由於我哋得兩個人，所以就要左個烤牛排骨套餐，再加一份雞蛋羹，價錢都算合理，同埋餐牌方便任何種類嘅人瀏覽，因為寫左中文、英文同韓文等咗一陣食物就開始嚟到，冇諗過個牛排骨會咁大嚿，見到上面嘅紋理好清楚，好明顯係上等牛肉，而且店員仲會幫我哋燒埋，如果得我哋自己燒，都唔知點樣切啲肉出嚟有店員幫手真係唔同啲，完全係專業嘅表現，好快已經將成舊牛排骨拆晒啲肉出嚟，仲剪開晒細細較方便進食，食落去充滿肉味之餘，仲充滿肉汁，加埋生菜一齊食感覺會冇咁油膩，而且仲可以加蒜片同辣醬，口感會更加豐富，食到停唔到口呢一個係雞蛋羹，蒸完出嚟之後成個波咁，熱辣辣但裏面嘅雞蛋仍然好滑溜，之前從來冇食過，完全唔知雞蛋可以咁樣煮，上面仲有溶咗嘅芝士，充滿鹹香最後有黃油炒飯，黎到嘅時候所有配料都未撈勻嘅，原本以為需要自己再撈上去
好耐之前喺石門已經好想試呢間餐廳，今日見到網上評價唔錯，好有韓國feel，今日終於有機會同老婆嚟
一坐低已經提供咗前菜同調味料俾我哋，四款前菜分別有泡菜、魚糕片同芽菜等等，泡菜酸酸辣辣幾開胃，而魚糕片都好彈牙，芽菜就夠爽口
餐牌主要分咗套餐同散叫，套餐根據唔同人數而有所增減菜式，由於我哋得兩個人，所以就要左個烤牛排骨套餐，再加一份雞蛋羹，價錢都算合理，同埋餐牌方便任何種類嘅人瀏覽，因為寫左中文、英文同韓文
等咗一陣食物就開始嚟到，冇諗過個牛排骨會咁大嚿，見到上面嘅紋理好清楚，好明顯係上等牛肉，而且店員仲會幫我哋燒埋，如果得我哋自己燒，都唔知點樣切啲肉出嚟
有店員幫手真係唔同啲，完全係專業嘅表現，好快已經將成舊牛排骨拆晒啲肉出嚟，仲剪開晒細細較方便進食，食落去充滿肉味之餘，仲充滿肉汁，加埋生菜一齊食感覺會冇咁油膩，而且仲可以加蒜片同辣醬，口感會更加豐富，食到停唔到口
呢一個係雞蛋羹，蒸完出嚟之後成個波咁，熱辣辣但裏面嘅雞蛋仍然好滑溜，之前從來冇食過，完全唔知雞蛋可以咁樣煮，上面仲有溶咗嘅芝士，充滿鹹香
最後有黃油炒飯，黎到嘅時候所有配料都未撈勻嘅，原本以為需要自己再撈上去，點知店員話其實佢哋會幫忙代勞，因為仲需要拎上個鑊度炒
睇到店員眼明手快將所有配料同飯都放落個鑊度，而且再用熟練嘅方法極速炒勻佢，每一粒飯都炒到粒粒分明
最後店員仲喺個飯上面用沙律醬畫咗個多啦A夢嘅圖案出嚟，用嚟打卡一流，食落去沙律醬同炒飯嘅味道都幾配合，味道唔錯，而且個炒飯裏面仲加咗頭先嘅牛排骨肉碎添，食埋呢個飯都真係好飽
張貼
