十十川滬料理 (已結業)

家人知道我中意食小籠包就帶我嚟到旺角朗豪坊嘅「十十川滬料理」🥢呢道就係食四川同上海菜嘅餐廳☺️裝修時尚融入綠色植物元素🌿我特別中意門口天花位塊波浪鏡面。🔥 黑毛豬腩乾鍋 💲198嚟到當然要叫個干鍋~辣度叫咗小辣小麻。上枱時見到好多辣椒🌶初初食唔算好辣，不過之後愈食愈辣🤣但真係太惹味所以都清曬！黑毛豬腩肉質爽口，入面仲有波浪薯條，炸好嘅薯條加入干鍋味道又幾夾。♨️ 酸菜魚湯小籠包 💲58好特別嘅小籠包。外皮係綠色，入面係龍躉魚肉，而湯汁就係酸菜魚湯。魚肉好滑嫩，酸菜魚湯汁唔算太酸，可以再加少少醋，好好味！♨ 鮮肉小籠包 💲48叫咗個普通小籠包，都係咁好味！皮薄餡靚，咬開爆汁，好juicy～🥔 涼拌土豆絲 💲38土豆絲幼切，口感爽脆，味道酸辣。🍜 酸菜魚米線 💲88好大碗嘅米線，上面有一串花椒🤣金湯湯色金黃，味道鮮美，湯汁濃稠。魚片好滑，份量好多。🍠 黑糖椰汁芋圓冰粉 💲45夏日涼品~ 芋圓好有嚼口。