Cafe Roma

營業中

休息中

放假唔一定需要北上，其實香港仲有好多特色餐廳，只係我哋好多人都仲未開發到。位於馬灣嘅Cafe Roma ，就係其中一間相當有特色嘅餐廳，餐廳喺正沙灘旁邊，吹住海風食西餐，賞心樂事。前菜叫咗一個吞拿魚牛油果沙律，吞拿魚刺身非常新鮮，油脂豐富，入口滿滿幸福感覺。紅酒燴澳洲牛頰肉，牛肉味相當濃郁，而且又咬口，配菜材料亦相當豐富，有椰菜花西蘭花同埋薯蓉。再叫多咗一個海鮮薄餅，材料有海蝦魷魚煙三文魚水牛芝士，份量十足，好食。最後值得一睇係佢個兒童餐，今次揀左迷你嫩雞柳漢堡餐配脆炸薯條，跟湯同果汁，份量完全足夠小朋友食。餐廳飲品選擇亦相當多，分別叫咗兩杯冇酒精飲品，Roma Punch同Pineapple Breeze 酸酸甜甜各有特色。