影片
更多
2024-05-23
513 瀏覽
今次到來自新加坡夢幻主題火鍋店——美滋鍋打邊爐，餐廳提供4個套餐，每位$198起，120分鐘，超過100款火鍋配料及飲料無限供應。重點係可以享用牛肉放題，實現瘋狂食牛肉嘅願望，可以任食澳洲 M6+和牛、美國PRIME牛下肩和美國安格斯牛三角。同朋友喺晚上9:30左右先入座，可以無限時任飲任食到凌晨2點，真係打邊爐都可以夜繽紛。我哋點選咗性價比高嘅B餐。去到餐廳門口，發現餐廳幾貼心，提供水果茶和小食，讓黃金時段等候嘅客人可以自助取用，如果客人等候超過30分鐘，仲可以得到扭蛋機會一次，獲得餐廳優惠。正門口隔離仲有隻巨大藍色熊仔俾人打卡。餐廳整體感覺光猛乾淨，裝修典雅，座位寬敞，坐得舒適。設有港式小食自助區、醬料自助區、沙律及前菜自助區、2個飲品自助區。值得一提嘅係餐廳使用Le creset器皿盛裝醬料，顏色七彩繽紛，矜貴得嚟好吸睛。坐低後先點湯底，加$50升級鴛鴦鍋：滋補養生香辣鍋、膠原蛋白養顏美容鍋，湯底勁足料，先飲一碗養顏美容鍋湯，感覺好滋補，充滿骨膠原。而家做緊推廣，仲送上用木船盛載嘅時令刺身：帶子、魷魚、北寄貝、三文魚，雖然細細件，但係好新鮮。之後用iPad點選材料，主角係牛肉，點
同朋友喺晚上9:30左右先入座，可以無限時任飲任食到凌晨2點，真係打邊爐都可以夜繽紛。我哋點選咗性價比高嘅B餐。
去到餐廳門口，發現餐廳幾貼心，提供水果茶和小食，讓黃金時段等候嘅客人可以自助取用，如果客人等候超過30分鐘，仲可以得到扭蛋機會一次，獲得餐廳優惠。正門口隔離仲有隻巨大藍色熊仔俾人打卡。餐廳整體感覺光猛乾淨，裝修典雅，座位寬敞，坐得舒適。設有港式小食自助區、醬料自助區、沙律及前菜自助區、2個飲品自助區。值得一提嘅係餐廳使用Le creset器皿盛裝醬料，顏色七彩繽紛，矜貴得嚟好吸睛。
坐低後先點湯底，加$50升級鴛鴦鍋：滋補養生香辣鍋、膠原蛋白養顏美容鍋，湯底勁足料，先飲一碗養顏美容鍋湯，感覺好滋補，充滿骨膠原。而家做緊推廣，仲送上用木船盛載嘅時令刺身：帶子、魷魚、北寄貝、三文魚，雖然細細件，但係好新鮮。
之後用iPad點選材料，主角係牛肉，點了美國prime牛下肩胛、精選肥牛、牛舌，牛下肩胛果然牛味濃郁，牛舌薄薄一片都感受到好爽口。另外點少得海鮮海味？花膠、水魷魚、竹簽蝦、沙白、鯇魚片。丸類及餃類有自家製蝦籽墨魚滑、蛋餃、白菜豬肉餃、龍蝦丸、芝士雞肉腸、香菇貢丸。其他有餐廳自家製響鈴、鴨血、炸午餐肉、炸魚皮等等……應有盡有。
最後喺幾款雪糕、雪葩、豆腐花中揀咗奶茶味雪糕、檸檬雪葩，杯裝品牌雪糕， Standard味道，食完甜絲絲，圓滿結束一頓豐富火鍋宵夜。
張貼
