甜一點 (已結業)

晚餐同朋友去咗旺角新嘅甜品店， 餐廳全間都係粉紅色， 啱晒粉紅控🤣 餐廳好寧靜 ， 好啱傾偈食飯！除咗食甜品，都有漢堡同全日早餐！ 厚肉魚柳漢堡配沙律薯條漢堡好高身，魚柳炸得好脆口，魚肉頗嫩滑，夾有芝士同番茄，漢堡上有酸瓜😊 薯條份量適中，炸得脆卜卜！ 芒果小黃子(小丸子, 雪糕, 西米）好大杯而且非常足料，多到要瀉出黎🤣 小丸子好煙韌， 芒果雪糕味道濃郁，芒果幾juicy， 配西米令甜品更加好食🥰 韓式牛牛窩夫 (鮮果+雪糕）窩夫賣相吸引，色彩繽紛，有唔同款水果，酸酸甜甜， 芒果同雲呢拿雪糕都唔錯，整體甜度適中🤩 窩夫有兩塊，啱哂同朋友分享！