泰玖 (已結業)

遠征荃灣處理公務，剛好係午餐時段就睇下附近有咩好食，行過見到一間食泰菜嘅，見到有好多人排隊入內，望望佢個SET LUNCH價錢都好合理，所以就入去食個午餐啦！餐廳有兩層嘅，不過我就得一個人，所以就安排座係樓下嘅BAR枱位，整體上環境都係舒適嘅。先嚟餐飲我加配左做蜜桃梳打，蜜桃味都好自然而且唔會好甜，如果蜜桃味可以特出啲啲就更加啱我口味。再嚟一個 泰式鳳爪沙律 小食，   鳳爪醃得好入味，而且爽口有嚼勁，加埋個酸酸辣辣嘅泰式醬料，食落好好開胃。主菜就係 新鮮大頭蝦冬陰公湯麵，大頭蝦非常新鮮，不僅頭大而且膏都好多，肉質又彈牙，配菜都好豐富，有好多芫茜、秀珍菇、小蕃茄、豆腐乾同蜆肉。而個冬陰功湯底唔算太辣但就非常濃郁，入口感覺冇乜味精，酸酸辣辣好有泰國風味