燈籠滷味 (朗豪坊)

同老公行開朗豪坊，去咗呢間「燈籠滷味」台灣野，店內掛滿特色霓虹燈，播住台灣經典歌，一秒穿越台灣嘅感覺✨最出名係滷味，由台灣總店直送秘傳滷湯，香味真係唔同啲！
推介佢哋嘅豐盛一人鍋，真材實料份量足，仲有綿綿重乳冰🍧～ 爽！

🔶古早滷味藥膳鍋🥘｜
材料好豐富！豬耳好爽脆，豆腐滑溜，牛筋肉滷到好入味，大豆皮同冬粉索曬啲湯汁精華，食到最後都係濃濃藥膳香，湯汁撈飯真係一流😚

🔶牛孖寶秘製拌麵🍜｜
滷牛筋肉、滷蜂巢牛肚都係好入味又腍，配上手打烏龍麵同甜蔥香醬油，撈勻之後每條麵都掛滿醬汁，食到好滋味😆

🔶濃厚黑芝麻Oreo重乳冰 🍧｜
賣相好靚！黑芝麻醬好香濃，Oreo碎碎加埋綿綿冰，口感層次爆燈～ 食完熱嘢來一碗，冰涼清爽，簡直係完美句號👍

濃厚黑芝麻Oreo重乳冰

🔶無糖茉香綠茶🍵｜
清清地解膩一流，茉香回甘。