橋田臺灣牛肉麵 (已搬遷) 新店位置

橋田終於返番紅磡啦！仲由以前嘅舖仔搬左去大舖👍🏻👍🏻座位多左，又闊落左以前返工一個星期都食一次，今次係第一次喺新舖食。星期一晚唔算好多人，但都不斷有客入。我今日食左佢個夏威夷Style千島醬汁煙三文魚蟹柳冷麵，呢個係我最最鐘意食嘅麵，喺第到食唔到，個配搭一流，尤其係個醬好啱夏天消暑食，而且三文魚嘅量一啲都唔少😃佢個麵質比較煙韌，好正，食完都幾飽。另外，叫左個奶蓋茶同鹽酥雞，但就比較普通，我覺得可以唔使試都得。btw佢全日都係同一個Menu，所以我覺得夜晚食比較抵食，但其實價錢都好相宜，普遍只係幾十蚊就有一碗麵或飯，再可搭配小食。朋友就Order咗排骨新竹米粉，賣相都ok。之前食個佢個黑椒牛扒飯都好正，塊牛勁大塊，唔似茶餐廳果啲。同場，就係老闆好好人，同個個客都吹到水。