一喜車仔麵

營業中

休息中

這間一喜車仔麵$49 的豪華九寶的大雜麵最抵食，有牛腩、特級瀨尿牛筋丸、瑞土汁雞翼、有魷魚的魷魚丸，豬紅，豬皮，蘿白，紅腸及時菜，連埋麵底有10個餸之多。當中特級瀨尿牛筋丸及有魷魚的魷魚丸比較特別，牛筋丸入口爆汁，充滿牛味，口感爽脆彈牙。而魷魚丸真係充滿粒粒魷魚粒，好有口感，食落不會有粉的感覺。另外點了咖喱魷魚，牛柏葉，魚腐，豬扒粗麵，咖喱魷魚的咖喱汁很香濃惹味，魷魚爽脆。豬扒都醃得入味鬆軟。餐廳另有很多款小食供應，酸齋酸酸甜甜，愈食愈開胃。汕尾手工小米粿，味道就好似魚皮餃，但個皮是用蕃薯粉做，皮晶瑩剔透，口感Q彈軟糯，內邊是五花肉，很特別。汕尾馬駮豬肉丸亦是推介，馬鮫魚肉混合豬肉加大地魚粉製成，幾香魚味，炸過更香口，這個外間餐廳很少見。香辣單骨雞中翼，單骨食得更方便，微辣好惹味。嗜辣的朋友，記住要試一下餐廳的辣油及菜甫，配車仔麵更好味。