碧士文 (東利商業大廈)

營業中

休息中

特務主題之《Pigsman》特務主題做主題既餐廳，餐廳有好多唔同特工裝備，非常特別，餐廳亦豬做招牌的餐廳，係附近返工既人都一定食過，Pigsman出名招牌漢堡、多士、飯類，非常惹味好食。手打雙層豬柳芝士漢堡：可再自選 肉丸3粒 / 薯條 / 薯蓉做跟餐小食，選揀左配薯條，手打雙層豬柳芝士漢堡果然明不虛傳，餡料夠哂豐富，豬柳大大塊，芝士好香，包面包底烘到脆脆地，真係要擘大個口食XD，而單層豬扒漢堡選擇左配內丸，豬扒十分juicy，生菜新鮮，入口(索索)聲，薯條新鮮即炸，條條都好大條香薯味，手打豬肉丸好大粒，過乒乓波，味道豐富有啲香料味，唔係豬肉加好多麵粉而整成，食落啖啖肉。另外叫左沙律菜 / 南瓜湯 / 薯蓉 / 溫泉蛋、沙律菜份量多、仲有腰果十分脆口、南瓜湯味道香濃，口感幼滑、薯蓉味道帶少少鹹香。總結價錢唔算好貴，因為食材全部真材實料。