Elementary (已結業)

今日繼續同一個坐附近的朋友約左係大坑食飯，係有挑選的情況下，試下這一間褒貶不一的澳洲餐廳。入到去，侍應嘅服務態度都算唔錯，但就唔係好積極咁同我地介紹會有咩好食，都係話睇返唔同人自己嘅口味。於是我同朋友就只係就住餐牌上嘅字面意思去挑選我哋嘅嘢食。我哋揀咗roasted squash、market fish同lamb ribs。Eoasted squash其實係燒南瓜，味道都幾特別嘅，但真係好細份。Lamb ribs就幾有驚喜，廚師嘅煮法會令到個羊肉食落有啲似豬肋骨咁，但你又feel到其實係羊肉，而啲肉嘅肥瘦比例係啱啱好，加埋嗰醬都係有少少甜嘅，所以我覺得呢味菜係真係好似美式嘅燒豬肋骨咁，但用啲羊肉嘅材料，係值得一試嘅。Market Fish就係煎魚，首先條魚真係好大條，易啲肉亦都好滑，一開始食係滑到我有少少覺得好似蒸左的感覺，碟旁有墨魚汁，如果只係食魚唔點汁的話，你會完全食到條魚嘅鮮甜，而如果你點汁的話，就會係魚嘅鮮味上試到另一種層次嘅味道，兩種食法都係值得試嘅。最後我同朋友都點左一個甜品ice cream sandwich，其實係用曲奇餅包住個雪糕，個雪糕係餐廳自己整嘅，我哋揀咗橙味雪