黑木亭-お食事処 (玉成大廈) (已結業)

放工約咗朋友食飯，揀咗去公司附近的日式餐廳。之前嚟過食午餐，覺得味道都幾好，所以黎試吓晚餐。玉子燒汁脆活海鰻 $188最鍾意喺呢度菜式。玉子燒就普普通通唔算非常突出，但海鰻真係極度好食。海鰻超厚，啖啖肉！亦都唔會多幼骨，因為我平時最驚食鰻魚嘅時候有骨，呢種唔會。海鰻燒得啱啱好，有淡淡的焦香味，超正！蔥鹽厚燒A5宮崎和牛 $368和牛味很濃，有入口即溶嘅，完全唔需要點咬就吞得，肉質非常柔軟。因為油脂很豐富，雖然份量不多，但兩個人share都啱啱好。配上蔥鹽減低油膩感，很出色！蟹將軍薯仔沙律 $98簡簡單單嘅薯仔沙律，味道配搭得很好，蟹肉份量亦都多。炸蔥吞拿魚蓉鮟鱇魚肝卷 $168有四件份量極大的壽司卷。其實未食過魚肝，魚肝味都幾出，味道有啲似鵝肝。兩個人share食都已經很飽。