影片
更多
2019-10-12
225 瀏覽
喺尖沙咀搵食， 通常都離不開去大商場， 貪其方便。 其實去厚福街食廈H8 都係一個幾唔錯嘅選擇, 而且， 大廈清一色做餐廳， 選擇多， 又唔會有其他客人喺你食緊嘢嘅時候係周圍行嚟行去。 今次就選咗21樓嘅本陣. 燒肉, 餐廳佔咗整整一層， 裝修以日式報局， 靠窗嘅一排仲係榻榻米， 可以居高臨下望到成個尖沙咀景色之外, 一大班friend圍埋一齊燒肉就最好不過。 另外不得不提嘅係餐廳嘅抽風， 餐廳抽風係上抽式， 效果理想，唔會好大煙，食完唔會一生都係煙味。 食燒肉點都要叫杯凍嘢飲， 分別叫咗蘋果汁同可爾必思， 陣陣清甜，入口涼爽。 今日呢午餐叫咗特上午市燒肉定食， 定食包前菜、 湯品、牛肉、白飯、 仲有甜品㖭。 前菜係芽菜， 帶有麻油同埋黑胡椒味， 簡單清新。 湯品係日式 蛋花海帶湯， 材料豐富，除咗有蛋花、海帶，仲有洋蔥、胡蘿蔔絲等等，等燒肉時可以暖胃。 特上燒肉 一上到枱時就知道牛肉色澤紅潤 ， 油花分佈平均， 睇見都流曬口水。 燒到帶點焦香 ，入口牛味濃郁，質感軟淋， 配上日本米飯 ， 煙韌軟綿 ，好食。 最後不得不提係跟餐的甜品， 係haagen dazs雪
喺尖沙咀搵食， 通常都離不開去大商場， 貪其方便。 其實去厚福街食廈H8 都係一個幾唔錯嘅選擇, 而且， 大廈清一色做餐廳， 選擇多， 又唔會有其他客人喺你食緊嘢嘅時候係周圍行嚟行去。
今次就選咗21樓嘅本陣. 燒肉, 餐廳佔咗整整一層， 裝修以日式報局， 靠窗嘅一排仲係榻榻米， 可以居高臨下望到成個尖沙咀景色之外, 一大班friend圍埋一齊燒肉就最好不過。 另外不得不提嘅係餐廳嘅抽風， 餐廳抽風係上抽式， 效果理想，唔會好大煙，食完唔會一生都係煙味。
食燒肉點都要叫杯凍嘢飲， 分別叫咗蘋果汁同可爾必思， 陣陣清甜，入口涼爽。
今日呢午餐叫咗特上午市燒肉定食，
定食包前菜、 湯品、牛肉、白飯、 仲有甜品㖭。
前菜係芽菜， 帶有麻油同埋黑胡椒味， 簡單清新。
湯品係日式 蛋花海帶湯， 材料豐富，除咗有蛋花、海帶，仲有洋蔥、胡蘿蔔絲等等，等燒肉時可以暖胃。
特上燒肉 一上到枱時就知道牛肉色澤紅潤 ， 油花分佈平均， 睇見都流曬口水。 燒到帶點焦香 ，入口牛味濃郁，質感軟淋， 配上日本米飯 ， 煙韌軟綿 ，好食。
最後不得不提係跟餐的甜品， 係haagen dazs雪糕， 入口滑溜， 作為呢一餐嘅完結， 十分滿足。
順帶一提，呢度招呼幾好， 店員會主動幫手調較火力，非常不錯。
張貼
