金裝燉奶佬餐廳 (嘉湖新北江) (已結業)

物非所值午餐時多人一齊食就會食燉奶佬，不過有得揀我都唔想食，因為佢貴得黎又唔係好食。今次揀左午餐既豬扒炒公仔麵，加埋凍飲要成$54。同預期中既一樣，麵炒得唔夠乾身，所以無左公仔麵本身既嚼勁。味道唔算突出，較好既係份豬扒。總括黎講，5字頭既午餐實在物非所值。同事食左麻辣麵，成碗麵望落好紅，以為會好辣，點知佢話好油但無辣味。另外兩位同事一個點牛腩飯，一個點菠蘿豬扒飯，一心諗住快食，點知等左十分鐘有多都未黎，侍應話因爲「炒緊」，我地都好無奈。