星海．譽宴 (鱷魚恤中心)

營業中

休息中

今日我地去左譽宴食飯，位於䲔魚恤中心二樓，唔黎呢到食飯都唔知原來成座大廈都係餐廳，酒樓居多。因為係主打婚宴為主，裡面裝修好夢幻，以藍色為主，咁岩我地就坐左係一體式既大魚缸隔離。燒味拼盤套餐首先上既係燒味拼盤，叉燒，燒腩仔，海蜇。叉燒就算係瘦叉居多既，半肥瘦既fans可能會失望少少。燒腩仔個皮仲係好脆口，海蜇就正常味道。花膠元貝燉響螺呢個湯就不得了，自己煲都未必會落咁多料，味道濃郁，飲完成碗湯，得番既係花膠元貝同響螺。所以點解話自己煲都無咁多料。西蘭花炒帶子蝦仁蝦仁同帶子就無過老，非常彈牙。西蘭花顏色都係綠油油。西施龍躉球龍躉片下面有燉蛋白，龍躉片冇刺，清清淡淡，鮮味十足。乾隆石鍋炒飯石鍋炒飯又真係有石鍋上菜，乾隆又唔知何解呢。紅豆沙是日糖水係紅豆沙，紅豆沙向來看似簡單，但煲到好食都其實好難，沙沙地媽媽既味道。大家同屋企人呢排係觀塘可以去一試究竟。