土司工坊 (佐敦薈)

營業中

休息中

之前係旺角朗豪坊食過土司工坊，今次再黎第間分店encore，仲要係同一個套餐添。煎雙蛋，都算特別，可以係食下午茶餐時食到煎雙蛋，但煎得比較一般，始終唔及茶餐廳咁好食，且賣相一般，唔多吸引食慾!，味道都係一般雞蛋咁，冇乜特別味道。花生醬士司，搽上厚厚o既花生醬，且花生醬味濃，餐廳已一早將土司切成9方塊，仲提供竹籤方便攞黎食，認真細心，土司烘得脆脆，非常香口。讚朋友話咖啡味濃，好飲過Oliver Supersandwiches o既 Illy coffee，我就反而覺得差唔多，但呢度一早幫客人落糖就真係唔掂，每人對甜味要求唔同，結果我同朋友都覺得杯咖啡好甜，咖啡味被甜味蓋過。