影片
更多
2021-01-26
735 瀏覽
約咗朋友嚟銅鑼灣食 Lunch，可惜友人臨時有事，未能赴約，反正一個人閒著沒事，一於去 Fashion Walk 來個 Window Shopping，順便在場內覓食。喺 Donki 對面見到這間「牧羊少年咖啡館」。記得早排先聽朋友講話餐廳喺屯門開咗新分店，估唔到咁快又再下一城，進駐銅鑼灣，仲要係港島區嘅第一間分店，當然要幫襯下，一於內進吃點輕食。原來入面地方都幾大，佔地兩層，內櫳裝潢簡約舒適，加上書架上放滿了旅遊書及雜誌，絕對係文青的聚腳點。 餐牌製作得很精美，印到成本雜誌咁，而且食物的選擇都幾豐富，有早午餐&沙律、薄餅&主菜、小食、甜品、咖啡&飲品，真係花多眼亂。心大心細，最後揀咗個素食早午餐，另外再加咗一客甜品。素食早午餐 Vegetarian Brunch ($108) 陣容非常豐富，除咗有我至愛嘅車厘茄同白菌之外，還有黑松露醬炒滑蛋、鮮果椰奶奇亞籽布甸、沙律菜、薯角同意大利包。車厘茄大大粒，紅潤有光澤，咬落去脆卜卜，味道甜美。薯角炸至金黃色，熱辣辣又香噴噴，份量甚多，入口外脆內綿，充滿薯香。炒蛋非常滑溜，食落仲帶有蛋汁和蛋香，加埋黑松露醬一齊食，真係無得輸。另外碗奇亞
喺 Donki 對面見到這間「牧羊少年咖啡館」。記得早排先聽朋友講話餐廳喺屯門開咗新分店，估唔到咁快又再下一城，進駐銅鑼灣，仲要係港島區嘅第一間分店，當然要幫襯下，一於內進吃點輕食。
原來入面地方都幾大，佔地兩層，內櫳裝潢簡約舒適，加上書架上放滿了旅遊書及雜誌，絕對係文青的聚腳點。
餐牌製作得很精美，印到成本雜誌咁，而且食物的選擇都幾豐富，有早午餐&沙律、薄餅&主菜、小食、甜品、咖啡&飲品，真係花多眼亂。心大心細，最後揀咗個素食早午餐，另外再加咗一客甜品。
素食早午餐 Vegetarian Brunch ($108) 陣容非常豐富，除咗有我至愛嘅車厘茄同白菌之外，還有黑松露醬炒滑蛋、鮮果椰奶奇亞籽布甸、沙律菜、薯角同意大利包。
車厘茄大大粒，紅潤有光澤，咬落去脆卜卜，味道甜美。薯角炸至金黃色，熱辣辣又香噴噴，份量甚多，入口外脆內綿，充滿薯香。
炒蛋非常滑溜，食落仲帶有蛋汁和蛋香，加埋黑松露醬一齊食，真係無得輸。另外碗奇亞籽椰奶布甸，食味亦不俗，以椰奶浸泡 Superfood 奇亞籽，味道天然，帶椰奶的甜香，加上芒果同士多啤梨，成個感覺好 fresh 好健康。
甜品點咗心太軟朱古力流心蛋糕配朱古力雪糕 Chocolate Fondant w/Chocolate Ice-cream ($68)，蛋糕送上來時已經聞到陣陣朱古力香，非常吸引。切開後，朱古力漿嘅流心度雖然唔算好澎湃，不過就勝在朱古力嘅味道夠濃夠香，外面的蛋糕亦夠鬆軟，再伴以朱古力雪糕同吃，一冷一熱，雙重滋味，為這頓 late lunch 完美作結。
張貼
