牧羊少年咖啡館 (屯門市廣場1期)

營業中

休息中

牧羊少年終於開咗喺屯門，本身經常光顧牧羊少年嘅屯門人表示非常開心。店舖裝修好靚，走文青風格，最正係店舖好好咁運用左落地玻璃，有一行座位依𥦬而坐，出邊綠油油，感覺非常之好。不過始終屯門巿廣場好少少嘅食店都要排隊，今日12點幾嚟到，排咗唔係好耐就入得，不過好快就有洶湧嘅人群。我同朋友兩個人，叫咗意式蕃茄豬扒珍珠飯炒鬼佬菜，同埋今日嘅廚師大菜鱸魚。由於我哋兩個都唔食飯，店舖真係好好走飯俾咗好大份量嘅菜，啱晒我哋呀。整體食物質素好OK，塊豬扒好大塊，魚薯蓉都好好食。唔知係咪因為屯門始終人多嘅關係，坐喺依家牧羊少年入面，完全唔會覺得寫意休閑，周圍非常非常之嘈🤣😂，唔會有好chill慢落嚟嘅感覺，冇乜嘢我都係去返其他果幾間。