牛精皇 (已結業)

又去試下新一間打邊爐既時候啦～今次就黎左出名多野食既九龍灣試新野。因為同行既人唔食得辣，所以就點左瑤柱上湯冬瓜湯，諗住食得清淡少少咁。其實我覺得鐘意食菜既朋友絕對可以點呢個，因為真係有唔少冬瓜可以食😂免費多左一個蔬菜我地點左都幾多肉，點左本地手切肥牛（頸脊）同埋頂級手切安格斯牛肉（半份）。覺得兩種都唔錯。首先好岩打卡，油花均勻咁分布，司傅擺碟又令，望落真係好正。而我地覺得其他配菜之中，啲蝦滑墨魚滑真唔要俾高分，爽口彈牙，食落相當新鮮好味。重點係我半份半份咁叫，份量都唔少，又試多左野，好似感覺抵食啲。我地都仲點左竹蔗茅根水，食牛多都易上火，加上可樂易飽肚，有蔗水就最好不過啦～話說雖然佢叫牛精皇，其實都每日有新鮮海鮮到，鐘意食海鮮多過食牛肉既朋友都可以黎試下，我地當日去既時候，佢就話有新鮮象拔蚌，可惜朋友唔想食，唔係都可以試下。