牛丼家

營業中

休息中

逢星期六都係旺角上興趣班，中午搵飯食最好來牛丼家，地點夠方便，又抵食。今日發現新產品！芝士雙重魔王堡配蜜桃茶：上次食過魔王漢堡扒不錯，今次兩塊打孖來升級做成漢堡包，兩大塊漢堡扒加上芝士堆疊，賣相不錯。麵包都幾鬆軟牛油味香，兩塊牛魔王有煙烤香氣，厚實份量十足，牛肉味勁香而且肉汁豐富。芝士半融化狀態，濃郁鹹香。醬汁係千島醬酸酸甜甜，岩岩好可以解油膩感。套餐包括飲品，白桃茶除左白桃果味外，仲有啖啖茶香，清爽。鰻魚拼牛肉飯：賣相不錯，鰻魚都大大片，醬汁油亮，外皮經有炭烤焦香味，鰻魚夠厚身，啖啖肉，還好無乜腥味。肥牛片薄薄，醬汁香甜，津蔥煮到腍晒夠晒甜。加二十蚊升級套餐，有埋炸雞球同飲品，雞球炸粉薄薄，雞肉幾滑又多汁，啖啖肉。飲品揀左白桃汁，清甜濃郁，夠解渴。