天下糧倉牛肉火鍋專門店

營業中

休息中

食肉獸老公話想食牛肉火鍋放題，我帶佢嚟呢間book mark咗好耐嘅餐廳試吓，呢間火鍋店有任食雞煲。不過今日我哋淨係食咗火鍋，揀咗鴛鴦湯底，一半粟米豬骨湯，另一半就係皮蛋芫荽湯。粟米豬骨湯較皮蛋芫荽湯濃味，幾清甜。皮蛋芫荽湯係芫荽控必點的，勁量嘅芫荽加上皮蛋，好下火。Order了湯底之後店員就會送上一盤牛肉拼盤，牛肉拼盤打卡一流，大大盤好震撼，真係食肉獸啱晒。牛肉拼盤有多款牛肉及部位，有安格斯牛肩胛，澳洲M7和牛，牛脷片，鮮牛肉，金錢展，封門柳，一級肥牛及牛板腱。超豐富，每款都新鮮，肉質鮮紅，款款都有唔同嘅特質及味道。安格斯牛肩胛牛味香濃。和牛軟腍。鮮牛肉爽滑。除咗牛肉之外，老公仲嗌咗羊肉試吓，佢話羊肉都OK。出邊嘅雪櫃有餃子，蔬菜，各式丸類同埋烏冬，響鈴，即食麵等等。餃子有三款口味，白菜豬肉，粟米豬肉及韭菜豬肉，我哋試咗白菜豬肉，係灣仔碼頭，一盒盒用保鮮紙放入冰櫃，乾淨衛生。飲品嘅選擇都幾多，而雪糕都係任食，有多款口味。我就試咗蜜瓜味。