616牛肉火鍋專門店 (積富街)

營業中

休息中

早一輪見到ig有人share依間專食牛打邊爐既鋪頭，對於我依個牛魔王黎講真係好吸引！因為屋企拜神既關係我只可以出街先食到牛。第一次同男友黎食既時候，我地叫左個併盤係有齊8成牛既唔同部位，諗住第一次試晒先，之後食到中意既先再獨立叫。果個套餐係包左烏冬啦菜啦野飲啦，都夠兩個人食既。不過每個部分大約得幾片，亦切得好薄身。同時發現左原來夜晚十點後有8折！果度既侍應都幾好服務咁介紹同解釋比我地聽，態度唔錯。於是黎第二三次都係刻意等到十點鍾有折黎食，果然抵食好多！仲無因為咁d份量都縮少左，有折可以叫多幾碟都唔使就住就住！如果中意食牛同脂肪既話推介牛朴肉同牛駝𩥪，爽口既推介胸口蚌，口感好似珊瑚蚌咁好爽口！同埋佢地既牛肉汁加埋青檸好好味！叫左個烏冬撈黎食，烏冬唔係一般打邊爐求其比既「噹噹牌」，係幼身細滑既稻亭烏冬。野飲方面推介西柚啤，幾好味。