牛丼家

營業中

休息中

而家學校開始放半日，所以今次就同仔來到牛丼家食個豐富午餐。之前食過佢地嘅牛肉飯都覺得好好味，今次就食佢新出嘅漢堡，身為「牛魔王」嘅駿👦🏻都讚👍🏻🍔芝士雙重魔王堡賣相非常震撼，份量十足，睇見都想食！ 漢堡包非常鬆軟，2層漢堡扒肉夠厚，有牛香又夠juicy，加埋芝士，超滿足😋 加埋杯冰可樂，好好feel🐮 鰻魚拼牛肉飯+唐心蛋套餐鰻魚有厚度，汁量剛好，味道不錯，牛肉唔算太肥，特製嘅牛肉汁配埋唐心蛋個流心蛋黃，撈飯超正👍🏻 仲可以揀冰紅茶，無糖又解膩！