影片
更多
2024-05-10
375 瀏覽
🌟餐廳：雄記牛腩王📍地址：旺角花園街11號地舖💰價位：$50～$100⏰營業時間：星期一至日 10:00 - 01:30📱電話：59787328午飯時間嚟到旺角，想揀返間性價比十足，又夠正宗嘅潮式粉麵！嚟到花園街呢一間「雄記牛腩王」，主打各式各樣潮式粉麵，當然唔少得各款招牌牛腩、崩沙腩等等，價錢親民得黎，選擇亦夠多元化，啱晒鍾意食潮式粉麵嘅我！———————————————————🔹牛腩牛筋米線牛腩牛筋係傳統正宗潮式粉麵首推之選！呢度嘅牛腩果然出色，難怪鋪名採用牛腩王命名！牛腩牛筋份量十足，用上靈魂嘅滷水膽滷制，牛腩軟腍得黎，帶點甘香，牛味相當濃郁，牛筋大大件又夠Q彈，骨膠原十足，搭配埋滑順嘅米線，大大碗食得夠滿足！———————————————————🔹牛腩撈麵朋友底就揀咗一大碟牛腩撈麵！份量滿滿，麵底爽彈有口感，上層鋪滿原汁原味嘅牛腩，混合腩汁及蠔油，食得好滋味～當然一定要加埋餐廳自家調製嘅潮式辣椒油及紅醋，咁嘅食法先至夠正宗！———————————————————🔹淨祖傳秘製雲吞呢度嘅雲吞相當出色，雲吞大大粒脹卜卜，肉餡飽滿，湯底加入大地魚熬製，入口增添鹹鮮味道，必試！—————
📍地址：旺角花園街11號地舖
💰價位：$50～$100
⏰營業時間：星期一至日 10:00 - 01:30
📱電話：59787328
午飯時間嚟到旺角，想揀返間性價比十足，又夠正宗嘅潮式粉麵！嚟到花園街呢一間「雄記牛腩王」，主打各式各樣潮式粉麵，當然唔少得各款招牌牛腩、崩沙腩等等，價錢親民得黎，選擇亦夠多元化，啱晒鍾意食潮式粉麵嘅我！
———————————————————
🔹牛腩牛筋米線
牛腩牛筋係傳統正宗潮式粉麵首推之選！
呢度嘅牛腩果然出色，難怪鋪名採用牛腩王命名！牛腩牛筋份量十足，用上靈魂嘅滷水膽滷制，牛腩軟腍得黎，帶點甘香，牛味相當濃郁，牛筋大大件又夠Q彈，骨膠原十足，搭配埋滑順嘅米線，大大碗食得夠滿足！
———————————————————
🔹牛腩撈麵
朋友底就揀咗一大碟牛腩撈麵！份量滿滿，麵底爽彈有口感，上層鋪滿原汁原味嘅牛腩，混合腩汁及蠔油，食得好滋味～當然一定要加埋餐廳自家調製嘅潮式辣椒油及紅醋，咁嘅食法先至夠正宗！
———————————————————
🔹淨祖傳秘製雲吞
呢度嘅雲吞相當出色，雲吞大大粒脹卜卜，肉餡飽滿，湯底加入大地魚熬製，入口增添鹹鮮味道，必試！
———————————————————
🔹鮮甜蘿蔔
蘿蔔夠晒清甜，口感軟腍，另一招牌小食！
———————————————————
🔹蠔油芥蘭
食潮式粉麵當然要加配埋一碟時令油菜，咁先夠滿足！芥蘭份量好多，鮮嫩翠綠，入口夠爽脆！
———————————————————
🔹凍檸檬茶
食完熱辣辣香噴噴嘅粉麵，當然要叫返杯解渴嘅凍檸檬茶，茶底夠香醇，飲落夠解渴！
———————————————————
👅整體小總結
認識我既朋友仔都知道我超鐘意食潮式粉麵，除咗每一碗即叫即制之外，配搭亦相當之多，啱晒鍾意食牛腩、牛筋及各款丸類嘅朋友仔！
餐廳除咗提供各款招牌麵食，更有一系列咖喱牛腩及牛筋飯類供應，除此之外，麵食嘅套餐價錢親民，更可以優惠價加配時令油菜及餐飲，靈活性十足，啱晒附近行完街嘅朋友仔過嚟醫下肚～而且營業至深夜凌晨1:30，為附近街坊提供一個食宵夜嘅好選擇！
張貼
