香港仔財記魚蛋粉

營業中

休息中

一間平平無奇嘅餐廳，不過外賣只有意想不到嘅驚喜!!!今日去大圍朋友屋企玩及打麻雀，大家都有啲肚餓，結果決定去香港仔財記叫外賣食，朋友介紹我食呢一個咖哩牛腩飯， 本來只係覺得呢一個只係一個普通嘅碟頭飯，但係食落真係唔錯。呢度啲牛腩係清湯腩，配上咖哩汁送飯簡直一絕!牛腩肥瘦適中 令人食慾大增。每個套餐都有配一個紫菜湯， 呢個紫菜湯有消滯作用， 但係就唔知點解全部都係得半碗。外賣咖哩牛腩飯配紫菜湯加一個凍飲都係50蚊有找非常超值!