牛丼家

營業中

休息中

牛肉飯經濟之選 - 牛丼家想醫肚但又想經濟實惠，呢間牛丼家可一試。餐廳裝修簡潔明亮，座位都幾舒服，而且選擇多。食物仲有唔同size (大/中/小)揀，食量唔同嘅朋友都岩晒😋。雙拼飯 - 牛肉拼雞扒 (配青菜+冰紅茶)：雙拼飯款式夠晒豐富，牛肉同雞扒都煎得好香，牛肉都幾入味，雞扒外皮香脆，肉質嫩滑，配埋青菜同埋冰紅茶，真係好夾👍！飯量可以自己揀，食量大嘅朋友可以揀大份，一定夠飽😋。溫泉蛋鰻魚烏冬 (配炸魚手指+白桃汁)：烏冬爽口彈牙，溫泉蛋好滑，湯底清香，鰻魚都幾香，撈埋一齊食，口感豐富🤤。另外炸魚手指，香脆可口。白桃汁就非常清新👍！份量又係有得揀，唔怕食唔晒😉。鹽燒鯖魚：鹽燒鯖魚都幾香口，魚皮煎得金黃香脆，魚肉都幾嫩滑，唔會太乾，有魚鮮味，鍾意食魚嘅朋可一試😋。總結：牛丼家嘅食物選擇多，味道都唔錯，而且價錢合理，性價比高！餐廳位置方便，鄰近旺角地鐵站，食完飯仲可以去賣電子產品嘅先達廣場行吓，真係一流😌。