肉多多火鍋

台灣過江龍肉多多火鍋，我終於去咗朝聖啦~午市有一人鍋套餐，自選湯底，肉，主食同飲品之外，仲有一份蔬菜拼盤，自助吧有唔少涼菜同埋芋圓仙草😍湯底 - 阿嫲藥膳湯，講真比我喺其他火鍋店食嘅藥膳湯，味道更濃厚回甘，配搭食材嘅時候，零食材本身嘅鮮味更加突出。老火豚骨湯則較為清甜不肥膩。肉類 -頂級霜降牛，油脂平均，口感十分軟嫩，入口有溶化感💦頂級低脂牛，好似係第一次食低脂牛，以為低脂會韌？錯了，雖然油脂不多但肉質依然軟而有彈性，肉味都夠香濃🐂蔬菜拼盤嘅菜類有娃娃菜，粟米蕃茄等等，仲會有幾款丸類，竟然有我最鍾意食嘅魚皮餃😆另外牛丸都好味呀。而主食我哋都揀咗好有台灣代表性嘅王子麵🍜正！除咗自助區嘅芋圓仙草，每位都會送一杯雪糕，埋單時有4個coins比你可以夾零食，仲有憑張單喺指定日期前再幫襯會有肉送。最後就係坐窗邊位嘅景色都幾靚~夜晚嘅話建議早啲訂，睇夜景~