牛精皇 (已結業)

去九龍城的牛精皇打邊爐，先叫個前菜小食，蝦膠墨魚膠釀油炸鬼，超酥脆、熱辣辣，墨魚膠肉彈牙，主食叫了個二人餐$548，湯底叫了芫茜馬蹄皮蛋湯底，清潤。配料包括牛肉，在底層，有鮮甜牛肉味的頂級手切牛肉、牛白肉即胸部肉，超爽口，仲有香濃的極品安格斯牛肉粒，海鮮有兩隻大蟶子、彈牙，鮮味無窮；青口，唔會腥，還有新鮮手打蝦丸、墨魚丸、鯪魚球，餃類方面仲有韭菜餃、鮮蝦雲吞、水餃同魚皮餃，再加了個脆肉鯇魚，厚薄均勻，夠爽脆，魚鮮味足。再加埋蔬菜籃，有生菜、油麥菜和黃芽白和手打烏冬。見有生菜，用來包油炸鬼蝦膠，估唔到咁夾。店員服務非常貼心，時常幫忙斟竹蔗茅根水，又加湯。