稻埕飯店 (K11購物藝術館) (已結業)

餐廳喺K11入邊，環境算唔錯，座位之間間隔都充足，見到萬寧之後行入少少就見到。平日三點幾去到唔駛等，但都幾多客人。平日2:30後就有下午茶，今次叫咗牛肉自家製手作麵，同埋黑糖珍珠pancake配抹茶雪糕。牛肉麵嘅牛肉好林，同埋好入味，蘿蔔都甜。不過略嫌唔夠辣，同埋個湯鹹咗少少。黑糖珍珠pancake上面有啲奶蓋咁樣，味道都OK，食得多就少少膩，另外仲有啲綠茶雪糕同埋爆谷，味道都唔錯。飲品就叫咗米水，呢樣係幾特別嘅。