香港魚蛋皇

營業中

休息中

朋友在灣仔收工，今晚食左個輕食，香港魚蛋皇起集成對面，每次坐巴士經過都會見到，好大個招牌好顯眼的，反而我係第一次食。呢到有個與別不同手轆魚麵，真係唔多地方有，朋友就叫左魚麵，口感味道有d似生菜魚肉個d 魚肉，加上碗麵都配左d生菜，好正！ 另外仲有餸，叫左牛粗丸拼炸魚角魚麵 $60，雙拼丸類加 $7，話晒係正宗潮洲食品，個牛粗丸真係超好食，係好彈牙，咬落仲有d 油同肉汁，大愛！我就叫左個比較普通既五香牛什拼鮮蝦雲吞米粉 $43，因為雙拼所以加$7，牛什份量好多，腩汁好入味，反而鮮蝦雲吞就普通左少少。