華南粉麵茶餐廳

營業中

休息中

早兩日去左永華食牛筋腩麵，今日教完班就同學生女來華南食牛筋腩麵比較一番。作為司機大佬們的食堂，九點幾鍾都仍然好旺場。兩個女仔叫左一個牛筋腩撈粗同一碗筋什麵，再加一碟芥蘭。耐冇來食，忘記左呢度的碟頭好大，結果麵就食清，芥蘭就剩左大半碟，飽到頂住！牛筋腩依然如舊，炆得又焾又入味，同永華果種濃腩汁又自不同，可謂各有千秋。牛什就略鹹，不過都唔錯。呢度另一精品係潮洲辣椒油，同魚旦粉簡直係絕配，配牛腩亦唔差。不過麵方面就似乎係永華略勝一籌。