喜來稀肉 (金巴利道)

營業中

休息中

韓式烤肉店的裝橫令人好像置身韓國一樣，令人心情興奮。店內設有自助沙律吧，有數款韓式小菜及多款醬料選擇，他們家的泡菜真的超級好食!!! 特推菠菜同魚糕！仲有生菜籃、生蒜可供自取，包烤肉食一流！牛皺胃自己上個月係首爾食過烤腸店後就愛上左呢個部位！香港真係好少見到。上網見到喜來稀肉有得食，為咗食佢，一收工就即刻衝過嚟！果然冇令我失望，同韓國食到嘅滋味係一樣！牛皺胃即係牛嘅第四個胃，口感介乎牛腸同牛脷中間嘅質感，食落煙靭有咬口，越嚼越香口！牛肋骨肉我最愛的牛部位，油脂分佈平均，牛味香濃，點燒都唔會鞋，而且夠厚切，非常適合燒嚟食。韓豚五花肉五花肉肥瘦均勻，肉質爽滑，燒到表面帶點微焦就食得。燒完記得加蒜頭同泡菜，之後用生菜包住一齊食。最後記得一定要食埋爐邊蛋，一邊係加咗芝士另一邊係加左泡菜，食完烤肉d蛋就差唔多熟。兩種蛋我都鍾意，真係好好食。完美嘅ending。