Burgeroom (美麗華廣場1期) (已結業)

去尖沙咀行街順便食埋晏，喺商場見到依間專食漢堡包嘅餐廳，就入去試下，餐廳係掃qr code落單，見到每款漢堡包都有得customise, 可以追加雞蛋、蕃茄、洋蔥、醬料等等，亦可以要求全熟、走配料、走醬、醬另上，朋友對漢堡包嘅做法有要求，知道有咁多options揀表示好滿意👍我叫咗牛油果醬芝士牛肉漢堡加菠蘿，朋友揀咗大烤菇芝士牛肉漢堡，兩款望落都幾挺身，餐廳將個漢堡包要竹籤拮住一開二，見到塊漢堡扒好厚又多肉汁，菠蘿、蕃茄、生菜都夠fresh，而且塊包有烘過，鬆軟得嚟又好香，朋友都話大烤菇唔錯🍄我地另外加咗一份薯條，係連皮嘅粗身薯條，熱辣辣冇得輸🍟