MOS Burger

疫情第四波依然嚴峻，日日返公司諗食乜真係頭都大埋，快餐必然係首選。喺上環見完客又趕住返公司，中途見倒 MOS Burger出左新嘅包包所以心郁郁又去試下！今次有我最愛嘅牛油果醬🥑和牛漢堡，仲有兩款特色濃湯🥣 

🍔🥑 睇相係好吸引，真身嘅牛油果製醬都好好味，但明顯份量比圖嘅少好多啦！只可以話薄薄一層咁囉，和牛漢堡就同半時點嘅和牛一樣，不過今次果件和牛有D乾，唔知點解。片芝士係出名嘅紐西蘭安佳芝士，薄薄一片都幾香，配上清甜蕃茄同沙律菜 ，有小小和風芝麻芥末醬，吸引味蕾！仲可以揀增量版添！但我嘅食量唔駛增量都啱啱好啦！

🥣一心諗住點黑松露蘑菇湯，原來係隔個星期至有，新出品- 周打蜆湯！周打蜆湯香滑比較希，細細杯有蔬菜粒同原粒蜆肉，都算驚喜！