Verde MAR (已結業)

餐廳由墨西哥大廚主理，提供多款正宗墨西哥料理，除此之外更有自創牛油果菜式。平日午餐有Lunch Set，週末就主打Egg Brunch Set。店內環境行簡約悠閒風，令人感覺舒適。開胃前菜有牛油果Tostada，將牛油果砌成花花，賣相一流，好打卡able。牛油果Creamy，配埋下面嘅粟米脆脆令到整體口感豐富，值得一讚嘅係放咗一段時間都冇變腍。薄荷蕃茄芝士粟米片，配料包含酸忌廉、牧場芝士、薄荷、番茄、洋蔥同青辣椒。第一次食熱嘅粟米片，因為有醬所以預咗淋淋哋，但估唔到出奇地好味。旁邊附上流心雙煎蛋，讚👍炒蛋伴自家製碎豬肉腸味道鹹香，放上軟皮薄餅都幾match。另外有班豆蓉，豆香味濃郁，一開始唔係好接受到但用作伴菜反而可以提升整體味道，食晒都唔會覺得好膩。墨西哥蛋粟米多士，配料大同小異，粟米脆片上面放番茄、洋蔥、青辣椒同雙煎蛋，好似食緊小食咁。飲品方面推介牛油果奶昔，無額外調味，飲落順滑、Flamingo係Horchata mix Jamaica，微微酸甜，肉桂味突出，值得一試。