身為馬鞍山友，每次新港城有新開張的餐廳都會試一試，原本牛火鍋放題只有一間，現在有牛氣競爭一下多個選擇，幾好！而且環境座位都舒適，接近聖誕充滿聖誕氣氛🎄二人入座都有卡位大枱，全張枱擺滿食物都不是問題，眼肚一大享受，淨係擔心唔夠時間食🫣
因為想同我個friend坐耐少少，就揀咗120分鐘Lv 4 黑安格斯牛加ARF極黑牛海鮮放題套餐。
鴛鴦鍋就最好，因為有辣有唔辣！其實仲有好多湯底選擇，不過因為有海鮮放題，所以揀選牛骨湯能保持海鮮鮮味！海鮮拼盤不馬虎啊⋯⋯有帶子、青口、魷魚、手打墨魚滑、大大隻海蝦，有膏又彈牙！感覺除了牛優質之外，海鮮放題性價比高。
黑安格斯牛真係好食，薄薄的每片都新鮮閃令令，一點都不肥膩，牛肉嫩滑滾3秒就可以吃。其實這個餐可以叫的牛種類很多，除了主打黑安格斯牛和極黑牛之外，包括穀飼牛肩肉、牛小排、牛肩胛肉，當然亦有豬和雞任君選擇！
自助區有熟食幾款，飲品、自助蔬菜，最特別有自助棉花糖機和北海道牛乳雪糕機。其實120分鐘真係試唔晒全部食物⋯⋯
當我們急急腳作最後努力時，店員好好介紹可以社交平台打卡送Movenpick 雪糕🍦，店長仲叫我哋慢慢食，非繁忙時間可以不趕急交代的！服務超好⋯⋯真心回頭率高。
1
2
