名寶石餐廳

營業中

休息中

去到太子，真什諗左好耐都唔知去邊度食飯好；呢區看似太多選擇，但其實根本唔需要去選擇，因為冇一間西餐好食得過名寶石。價錢就唔係平，但真係出品俾足有餘。同女友點了兩個牛扒大蝦餐；一個揀西冷，一個揀肉眼；要左忌廉湯同多士，個湯係港式忌廉湯，有火腿、雞肉同少少翅，不過係咪真翅就食唔出啦，多士好香，塊包好鬆化，再加上肥死人既舊式牛油，想唔好食都難！塊扒都幾好食，不過就唔好expect係angus beef果隻咁既貨色，以豉油西餐既質數，都算係咁！隻大有成6吋咁長，都知係雪左既野，不過都有好多膏同好鮮味，甜品可以揀Jelly、涼粉或者雪糕；服務幾好，個個都係uncle級，絕對唔使講都知你想點，以138+10%一個餐，佢絕對值得去食。