影片
更多
2016-07-09
385 瀏覽
承上集。激讚私房菜。之後又來到: 爸爸的美食哲學。第二集。滿足的火鍋宴！之前同大家講個呢個爸爸有點麻煩，喜歡又唔會同人講，唔鍾意只會扁嘴。對食物嘅要求十分之高，好多時因為覺得外邊嘅食物足料，寧願自己煮！打邊爐佢都有門學問。記得有一次，我哋去到附近一間幾出名明星開嘅邊爐店。但係最後呢都唔係好不滿咁樣返屋企，原因係因為唔夠新鮮！爸爸嘅美食哲學，佢認為打邊爐食物簡單，唔需要搞呢搞路，材料新鮮，煮法簡單，能夠突出食物嘅鮮味已經係贏！為咗滿足佢呢一個要求我終於搵到一間真係適合滿意，而且保證佢食到好開心嘅火煱店！就係位於佐敦嘅好好肥牛了！先點早啲一個湯底呢個湯底，新鮮嘅珍珠貝，蜆一開就要食咗去，湯底很甜美味，只需要落上小小豆腐，已經可以完美咁樣襯托嚟緊嘅新鮮食材啊！爸爸和我兩個好似鬥快咁，不停食晒開左，又肥又鮮甜的蜆肉，煮完後嘅湯底真係好鮮甜，立即飲左半碗！呢度叫得做好好肥牛即係代表佢地嘅牛肉應該有返咁上下質素啦！今次我哋叫咗嘅係牛腋位肉！牛肉質素真係好高。脂肪同牛肉嘅比例分布平均，而且質感十分軟淋，肉味香濃！好正！爸爸呢個牛魔王一路食一路大叫好！另外重點左呢個桂花蚌，肯定係新鮮材料，因為呢第一次
之前同大家講個呢個爸爸有點麻煩，喜歡又唔會同人講，唔鍾意只會扁嘴。對食物嘅要求十分之高，好多時因為覺得外邊嘅食物足料，寧願自己煮！打邊爐佢都有門學問。
記得有一次，我哋去到附近一間幾出名明星開嘅邊爐店。但係最後呢都唔係好不滿咁樣返屋企，原因係因為唔夠新鮮！
爸爸嘅美食哲學，佢認為打邊爐食物簡單，唔需要搞呢搞路，材料新鮮，煮法簡單，能夠突出食物嘅鮮味已經係贏！為咗滿足佢呢一個要求我終於搵到一間真係適合滿意，而且保證佢食到好開心嘅火煱店！就係位於佐敦嘅好好肥牛了！
先點早啲一個湯底呢個湯底，新鮮嘅珍珠貝，蜆一開就要食咗去，湯底很甜美味，只需要落上小小豆腐，已經可以完美咁樣襯托嚟緊嘅新鮮食材啊！爸爸和我兩個好似鬥快咁，不停食晒開左，又肥又鮮甜的蜆肉，煮完後嘅湯底真係好鮮甜，立即飲左半碗！
呢度叫得做好好肥牛即係代表佢地嘅牛肉應該有返咁上下質素啦！今次我哋叫咗嘅係牛腋位肉！牛肉質素真係好高。脂肪同牛肉嘅比例分布平均，而且質感十分軟淋，肉味香濃！好正！爸爸呢個牛魔王一路食一路大叫好！
另外重點左呢個桂花蚌，肯定係新鮮材料，因為呢第一次食到滾完之後嘅桂花蚌係咁鮮甜！唔單止有個種爽脆感，仲有鮮甜
老闆強烈推薦叫我地一定要叫即叫即做嘅響鈴。果然冇介紹錯，真係香脆得很！就算點酸甜醬抑或係放落去滾湯一樣好味。
如果大家有來了二個第一集都應該知道爸爸真係好鍾意食魚頭架！打邊爐又點少得柯打？魚頭都令到我爸爸咁覺得十分滿意，大讚真係好新鮮啊！
上次同朋友去打邊爐食咗一個好正嘅鮮鵝腸，今次同好吃鵝腸的爸爸吃，我又點可以唔叫呢？呢度嘅先鵝腸同樣新鮮，唔係嗰啲用鹼水飛過，上枱黃黃地色嗰種，而係粉嫩色，看得見有彈性不質感，有脂肪的新鮮貨！
還有呢個我唔記得咗係乜名，但係有半隻手板咁大嘅鮮蚌貝！煮完之後都依然好大隻好鮮甜！
真係真材實料得很！去到呢個時候爸爸在飲多一啖湯底，呢個湯底真係清甜，能夠吸收鮮味，唔怪得老闆極力推薦我地試啦！
我哋仲叫左鮮打墨魚滑，同埋新鮮芝士墨魚丸，蝦丸，牛丸三拼！呢度嘅手打丸好好食，裏面嘅芝士流出來的感覺，順滑無比，芝味香濃，十分配搭！必點啊！
叫到成枱野，樣樣都十分之好食！爸爸滿足地話我知，食火鍋最緊要係呢？就係鮮，食物夠鮮自然就可以贏得掌聲！我細細聲話俾你知，我一早都知啦！洗咩你講啊。爸爸大人！不過見到你食得咁開心，我都會謙虛受教，同你講係呀我知道啦！爸爸你巧叻巧識食啊！
最後重點咗個上海豆沙鍋餅，同樣都係即叫即整，上枱熱到辣咀，豆沙嘅甜味剛好，外邊嘅薄餅十分之香脆，問過先知道原來佢哋仲有另外一間上海菜店架！唔怪得呢一個甜品做得咁出色啊！另外我仲想同大家講點解我會咁推薦一間餐廳呢，就係餐廳嘅服務真係好好！隔離枱有位婆婆，每一次服務員捧上食材時，都會細心咁樣提醒婆婆有啲乜嘢要注意，或者要小心睇熱等等，呢啲說話其實真係出自內心！整個環境都十分之融洽和諧，食嘢除咗要講食物質素之外，態度都十分之重要架！呢度真係有種窩心嘅感覺！最開心嘅就係好少講嘢嘅爸爸，竟然主動同老闆好認真咁講嘢食真係好正啊！
張貼
