吞POT 雞煲火鍋.住家菜 (山林道) (已結業)

重慶麻辣雞煲兩個人叫咗半隻雞中辣，夠辣（平時食開某連鎖米線中辣）。雞本身熟，一上即刻食得。雞嫩皮滑，平時唔食雞皮的人記住都要試少少雞皮呀，因為佢吸收晒雞汁嘅精華。自創爆芝響鈴黃金響鈴就食得多，芝士響鈴都係第一次，食過返唔到轉頭，佢呢度嘅芝士響鈴真係要推介，新鮮即叫即炸，鬆脆，芝士味濃，未食已經見到有少少流左出嚟。如果你問我點樣去形容果種脆法，就係當你一咬嘅時候，就會跌到成枱都係響鈴碎，真心冇得輸！原本諗住叫個羊肉，但係見到佢有手打丸系列，所以就放棄個羊肉，叫咗個十全大寶丸。我哋嘅選擇係冇錯㗎！因為佢d手打丸真係好好食。有五款丸，每樣兩粒。（芝士牛丸，香煎鵝肝蝦丸，黃金海膽黑墨丸，生拆蟹粉墨魚丸，黑松露墨魚丸）全部丸都爽口彈牙，特別推薦芝士牛丸+蟹粉墨魚丸芝士牛丸都幾有牛肉味，一咬開芝士就流哂出黎🤤蟹粉墨魚丸當然都好有墨魚味，入邊釀咗大閘蟹粉，量多唔孤寒，令人好掛住大閘蟹嘅季節。員工有禮貌，廁所都幾乾淨，環境唔錯。全晚叫的三種食物樣樣都出色，基本上雞煲好夠味，調味料都冇沾過，算係高質火鍋雞煲店。