點心堂

營業中

休息中

喺火炭工作短短嘅日子，總共食過兩次。食完第一次後，就即刻想返尋味～ 真係估唔到火炭有間隱世嘅好食點心店～特別係小籠包，食完想再食～ 兩次都自己食晒成籠😋😋😋 皮薄爆湯汁，肉汁鮮味，超級超級好食～～相較之下，招牌懷舊灌湯餃相對遜色，味道較淡，要行埋一邊～叉燒包超正流心奶黃包一樣咁正～～叉燒腸滑嘟嘟～ 好食😋另外仲有特色獨有點心，例如 蒜香蝦餃，炸咗再加千島醬，好香口～仲有蘿蔔糕唔係就咁煎就算。 切件沾醬炸，再加千島醬同大量木魚乾片，別有一番風味。牛肉球普通，略嫌多筋，所以唔推介～如果再去火炭，一定係我食飯首選👍🏻👍🏻👍🏻