1
呢間日本過江龍漢堡排專門店「肉肉大米」真係人氣爆棚，次次經過都見排長龍！
餐廳裝修簡約日式風格，全部座位bar枱，
仲有開放式廚房可以睇到師傅即場製作漢堡排～
漢堡排選用九州黑毛和牛與美國牛肉混製現烤～
漢堡排套餐
🔥原味漢堡排
漢堡排肉汁豐富，真材實料。
一咬落去，啲肉汁真係多到瀉出嚟！肉質鬆化得嚟又夠彈性。
咩醬都唔點，就咁食感受原汁原味！配埋日本蛋完美融合～
🔥 芝士漢堡排
視覺效果💯分！店員會過嚟即場刨芝士，滿滿嘅芝士鋪滿漢堡排。
熱力令芝士慢慢融化！芝士嘅鹹香同和牛嘅油脂好夾，重口味朋友必試！
🔥忌廉菇菌（期間限定口味）
今期限定嘅驚喜之作！忌廉菇菌醬香濃creamy，
仲有粒粒菇菌增加口感。呢款口味限量供應，想試就要早啲嚟啦～
（跟餐任食日本「虹煌米」白飯、西蘭花、味增湯）
日本「虹煌米」白飯：米粒飽滿有咬口，可以無限添食
西蘭花：焯得剛好，保持翠綠爽脆
味增湯：質素高，好多菇！！
服務貼心（店員會主動加菜）
調味醬料有八款 （附上一張大貼紙：教大家點去配搭醬汁）
