阿爺八鮮鍋 (已結業)

呢間火鍋店真係爆星食物質素🌟🌟🌟🌟🌟價格🌟🌟🌟🌟🌟環境🌟🌟🌟🌟服務🌟🌟🌟🌟新裝修，環境美觀，坐位寬落舒適，一大班朋友嚟坐一張圓枱十分舒服。服務員態度非常友善，雖然自己劃menu點菜，但係出菜非常之準確同齊嘅價錢非常合理，有雞煲，靚料老火湯，新鮮生猛海鮮同多樣火鍋配料先$398一位，食足2.5個鐘！個人認為係超值。新menu 仲可以食埋刺身，有原條吸水象拔蚌，原隻大龍蝦同時令日本刺身，真係選擇多多。今日個麻辣雞煲隻雞好新鮮，肉質結實，麻辣香料十足，個味調得十分好，大大煲雞煲，食完都飽左一半😅之後火鍋店主配上一大盤新鮮仲郁緊嘅海鮮，每樣海鮮都係king size🤭🤭手掌心咁大郁緊嘅鮑魚、爆膏超甜蟹、大頭肉質爽到不得了嘅龍蝦、成隻手咁大嘅鮮蝦🤭🤭難以置信以呢個價錢食到呢個質素嘅海鮮🦞食完真係飽但當然要試吓佢其他食材。極級推介饍片，超新鮮又脆口，一啲泥味都無！啲蠔超級無敵鮮甜，必點！我哋encore再encore！安格斯肥牛都係上上質！