燒味滷師 (富榮花園) (已結業)

今晚上朋友屋企食飯 ，諗住斬料加餸，見到呢間燒味店好光猛，好乾淨，於是入去望下，見到佢原來係自己鋪即燒燒鵝，咁即刻試試先。果然自己鋪頭燒完即刻買係最新鮮好食，燒鵝做到皮脆多汁，好好味。义燒最驚喜係真正平靚正，40蚊兩大條，仲要係靚梅頭，靈魂嘅蜜汁一啲都唔慳，保證你食到尾都仲有汁蘸。白切雞 $35 半隻 抵食又滑泰式鳳爪$45 惹味唔太辣，又爽又脆好開胃，作為前菜，非常好味。新開張，好多優惠，22蚊盒燒味飯好抵，下次一定會再嚟帮襯。