影片
更多
2009-05-26
34 瀏覽
同兩位食友的一次忘年之約下燒鳥局，其實認識不到一年，所謂的忘年是連番意外及人和事造就的，約了數星期終於都成行了。正宗的燒鳥屋屈指可數，獨個兒的話會到五味鳥，同兩位女食友就到純燒鳥吧，正宗又唔會拒絕女士的居酒屋。KC推介過的日本餐廳是幾容易撞到熟朋友的，是夜坐隔兩張檯的是幾吃得辣的一位食友。兩位食友未到，就先叫下一碟漬物打發時間，黃色的蘿蔔如貫的甜，乾爽無出水，蒜頭用上辣的醬油漬的，清爽夠香而不帶生蒜的嗆人辣味，好吃，酸而清爽的酸瓜還有辣的日式炸菜，甜、酸、辛都有了，好滿足。齊腳後，又叫了燒鵪鶉蛋、燒雞翼、燒牛舌、燒銀杏、燒牛粉腸、燒三文魚頭、燒牛扒．．．燒鵪鶉蛋是燒後上汁的，鵪鶉蛋外層薄衣燒後有卜聲的口感，蛋白濕潤又有蛋黃香，加上甜醬汁同木魚絲提味，燒功同配搭都做得好；燒牛舌是薄切鹽燒做法，表面燒得焦香，吃起來有細嫩彈性，鹽味亦夠平均，不錯。食友最喜歡的燒雞翼，燒雞翼本是平凡不過，但燒得好的燒鳥店似乎又唔多，拿起錫紙包著雞翼時，大家開始起哄，除雞翼燒得皮焦香口而不失肉汁外，翼連著胸的骨鮮明可見，唔係講笑是比起急凍全翼有誠意好多！而另外一味「副產品」紫蘇雞肉蘸上梅子醬，亦同樣好吃，是名不
正宗的燒鳥屋屈指可數，獨個兒的話會到五味鳥，同兩位女食友就到純燒鳥吧，正宗又唔會拒絕女士的居酒屋。KC推介過的日本餐廳是幾容易撞到熟朋友的，是夜坐隔兩張檯的是幾吃得辣的一位食友。
兩位食友未到，就先叫下一碟漬物打發時間，黃色的蘿蔔如貫的甜，乾爽無出水，蒜頭用上辣的醬油漬的，清爽夠香而不帶生蒜的嗆人辣味，好吃，酸而清爽的酸瓜還有辣的日式炸菜，甜、酸、辛都有了，好滿足。
齊腳後，又叫了燒鵪鶉蛋、燒雞翼、燒牛舌、燒銀杏、燒牛粉腸、燒三文魚頭、燒牛扒．．．燒鵪鶉蛋是燒後上汁的，鵪鶉蛋外層薄衣燒後有卜聲的口感，蛋白濕潤又有蛋黃香，加上甜醬汁同木魚絲提味，燒功同配搭都做得好；燒牛舌是薄切鹽燒做法，表面燒得焦香，吃起來有細嫩彈性，鹽味亦夠平均，不錯。
食友最喜歡的燒雞翼，燒雞翼本是平凡不過，但燒得好的燒鳥店似乎又唔多，拿起錫紙包著雞翼時，大家開始起哄，除雞翼燒得皮焦香口而不失肉汁外，翼連著胸的骨鮮明可見，唔係講笑是比起急凍全翼有誠意好多！而另外一味「副產品」紫蘇雞肉蘸上梅子醬，亦同樣好吃，是名不虛傳的燒鳥店。
燒牛粉腸幾有特色，外層的衣受熱後收熟起來，帶爽韌質感，內層粉粒香糯，是美味的；食友想吃的燒牛扒要了五成熟，就真的是五成熟，外焦內滲血水，燒功一流，可惜肉質素問題，是吃牛無牛味的感覺，連喜歡吃牛的食友亦只吃半件仔。這裡無賣三文魚刺身，燒三文魚頭自然是交來的件頭貨，趁熱吃的話惹味唔腥，面鮫下的骨膠元就更為美味，江湖兒女，乾脆用手拿著「啜」，有意思！
笑談至打烊，氣氛好得不得了，中場加插的醉酒「鴻門宴」事件，都話日本居酒屋唔多見女生是有原因的，但又話時話，如果當晚隔離檯無女士的話，似乎又唔會出現「項莊舞劍」事件，世事有時又真的幾矛盾，咁又一年，希望出年笑聲依舊！
埋單每人二百八，唔平的，但燒功好、味對亦對辦，正宗燒鳥屋，無收貴了。
張貼
