魚屋

營業中

休息中

原來坑口一田入面嘅一間小小魚屋，隱藏住不錯嘅燒魚料理，坐位唔多，要食就要襯非繁忙時間。黑椒檸檬燒鯛魚定食，78蚊，加10蚊轉成吞拿魚蓉迷你丼，好快就有得食，燒鯛魚好大條，好厚肉，仲起哂骨，加黑椒燒，燒完仲係好juicy 好嫩滑，加埋檸檬汁，超滋味的說。吞拿魚蓉就一般。味噌湯係用三文魚骨煲，好鮮甜。朋友吃的燒西京鱈魚，試左少少，醃過比較濃味，燒得皮好脆，餸飯一流。朋友吃的火炙三文魚腩丼，好厚肉!! 上面有明太子沙律醬，三文魚愛好者必定滿足! 價錢唔係好平，但質素唔錯，想食燒魚一定要黎!