:)特色沙律 $148
特色在整左一片片好薄嘅紅菜頭，頗有新意。本身唔鐘意紅菜頭，但係因為佢整得好薄薄一片，個口感幾薄脆新奇，撈埋一齊食又幾好。整體係唔錯嘅。
:(西西里紅蝦意粉配辣車厘茄醬
呢個好普通，味道係一般嘅茄汁底意粉。完全唔係預期中紅蝦意粉嗰種好蝦膏味又鮮甜嘅味道。不過呢個價錢，又唔可以期望係好高質質嘅紅蝦意粉嘅味道。
至於隻蝦就燒得幾香嘅，但就係虎蝦而唔係紅蝦。佢如果改返個名叫大蝦意粉會符合預期多少少。
:)意式雜菌燴飯 $208
符合預期嘅味道，幾有菇味，質地creamy。飯嘅質地都唔錯。整體OK。
👌🏼馬鈴薯芝士薄餅 $148
見出邊好少有得食薯仔pizza，就貪得意點咗。薯仔切得好薄。但係味道又冇話好驚喜，正正常常。芝士好充足。
1
法國燒春雞：
呢隻燒雞反而整得幾出色，皮好脆，肉都有香味。以呢個價錢嚟講，水準唔錯。不過係個size就細啲。
