影片
更多
2023-04-07
50 瀏覽
燒肉唔一定要任食，有時食套餐都幾抵，揀個肉加$38配個冷麵。性價比高又可以滿足到食燒肉既心癮，係一個唔錯既選擇，揀到自己鐘意既又唔會食到捧住個肚。🔻803神盛 $168 single 🔻一碟有3種唔同部位既肉，有特上牛胸腹肉，腹前牛小排同板腱肉。我自己就好鐘情胸腹肉，有肉既質感得黎又帶的脂肪，入口唔會太膩，食多幾件都唔怕。特上牛胸腹推介大家燒到5-7成熟就夠，包你回味🔻806 牛舌盛 $188 double 🔻燒肉不可缺少既牛舌，唔洗怕選擇困難，一碟有齊鹽燒同汁燒，薄切既牛舌係爐火上輕輕一燒，彈牙軟滑，燒多幾下收一收仲正，焦香爽脆，加上醬油配置，真係可一可再。🔻807 三腹盛 $148 single 🔻平時牛腹胸都食得多，依個盛除左特上牛胸腹肉外，仲有醬油和豚胸腹肉同九洲雞胸腹肉。和豚胸腹原來無想像中油膩，食落有口感得黎又幾彈牙。雞胸腹以為係雞胸就錯，油脂唔多，燒到金黃色，食落非常爽口，唔講真係唔知係雞。
燒肉唔一定要任食，有時食套餐都幾抵，揀個肉加$38配個冷麵。性價比高又可以滿足到食燒肉既心癮，係一個唔錯既選擇，揀到自己鐘意既又唔會食到捧住個肚。
🔻803神盛 $168 single 🔻一碟有3種唔同部位既肉，有特上牛胸腹肉，腹前牛小排同板腱肉。我自己就好鐘情胸腹肉，有肉既質感得黎又帶的脂肪，入口唔會太膩，食多幾件都唔怕。特上牛胸腹推介大家燒到5-7成熟就夠，包你回味
🔻806 牛舌盛 $188 double 🔻燒肉不可缺少既牛舌，唔洗怕選擇困難，一碟有齊鹽燒同汁燒，薄切既牛舌係爐火上輕輕一燒，彈牙軟滑，燒多幾下收一收仲正，焦香爽脆，加上醬油配置，真係可一可再。
🔻807 三腹盛 $148 single 🔻平時牛腹胸都食得多，依個盛除左特上牛胸腹肉外，仲有醬油和豚胸腹肉同九洲雞胸腹肉。和豚胸腹原來無想像中油膩，食落有口感得黎又幾彈牙。雞胸腹以為係雞胸就錯，油脂唔多，燒到金黃色，食落非常爽口，唔講真係唔知係雞。
張貼
