影片
更多
2014-09-03
5282 瀏覽
兩隻馬騮游完水，三大三小去食午餐，媽咪好鍾意食燒肉，呢間燒肉口碑唔錯，星期六仲要唔使等位，因為無套餐散叫當然較貴！位置安排坐靠牆！六個人都好闊落！裝修以深木傢俬為主，每枱有一個電烤爐！地方乾淨光猛！除了鮮肉價錢較貴，其實小食拉麵價錢都合理！叫咗：燒肉五品盛合（$198）：一碟有齊豬牛雞肉，仲有蔬菜！真係唔錯！每款只有兩件，真係唔夠喉，牛舌薄切，太薄口感唔夠，豬頸肉肥美，試完全部肉類，全部都好新鮮多汁，但都係牛肉最好味！粟米粒燒完好甜，鮮冬菇無乜味！牛角沙律（$62）：蔬菜新鮮，汁料清爽，不過汁料較少，底層生菜都沾唔到汁變得無味！薯蓉球內有蔬菜粒，夠滑！蕃茄厚肉新鮮，份量幾大，可以解燒肉嘅油膩！牛角冷麵（$65）：用不銹鋼碗上菜，冷麵係粗拉麵，汁液清爽但唔濃味，掛唔到上麵條，而且汁液好多，成碗水汪汪，似冷湯麵多點！玉子只係增加滑溜感但無助味道！石鍋玉子豚角拉麵（$68）木盒內有石鍋，賣相好精緻，拉麵係粗麵，麵質彈牙，醬油湯底唔過咸，夠味，叉燒係兩塊五花腩肉，半肥瘦相間，好味！青瓜墨魚嘴（$32）：小食一碗，醬料似即食日式螺肉，墨魚嘴一粒粒好彈牙，但內有一片片墨魚牙就唔係太方便，其實好薄但
兩隻馬騮游完水，三大三小去食午餐，媽咪好鍾意食燒肉，呢間燒肉口碑唔錯，星期六仲要唔使等位，因為無套餐散叫當然較貴！位置安排坐靠牆！六個人都好闊落！裝修以深木傢俬為主，每枱有一個電烤爐！地方乾淨光猛！除了鮮肉價錢較貴，其實小食拉麵價錢都合理！
叫咗：
燒肉五品盛合（$198）：一碟有齊豬牛雞肉，仲有蔬菜！真係唔錯！每款只有兩件，真係唔夠喉，牛舌薄切，太薄口感唔夠，豬頸肉肥美，試完全部肉類，全部都好新鮮多汁，但都係牛肉最好味！粟米粒燒完好甜，鮮冬菇無乜味！
牛角沙律（$62）：蔬菜新鮮，汁料清爽，不過汁料較少，底層生菜都沾唔到汁變得無味！薯蓉球內有蔬菜粒，夠滑！蕃茄厚肉新鮮，份量幾大，可以解燒肉嘅油膩！
牛角冷麵（$65）：用不銹鋼碗上菜，冷麵係粗拉麵，汁液清爽但唔濃味，掛唔到上麵條，而且汁液好多，成碗水汪汪，似冷湯麵多點！玉子只係增加滑溜感但無助味道！
石鍋玉子豚角拉麵（$68）木盒內有石鍋，賣相好精緻，拉麵係粗麵，麵質彈牙，醬油湯底唔過咸，夠味，叉燒係兩塊五花腩肉，半肥瘦相間，好味！
青瓜墨魚嘴（$32）：小食一碗，醬料似即食日式螺肉，墨魚嘴一粒粒好彈牙，但內有一片片墨魚牙就唔係太方便，其實好薄但我唔慣咬埋一齊食！所以要吐出來，青瓜爽脆！
因為牛肉好味，後加有：
網燒一口牛（鹽醬）（$59）：切成大粒，燒完中心仲juicy，點鹽醬咸咸地！帶出牛肉味道！正！
厚燒牛舌（鹽醬）（$59）：一樣揀厚切，好肥美，燒完成條牛油條咁！好好味！
甜品：
黑糖牛油蕃薯（伴雪榚）（$45）：我比咗雪榚比豬表妹，店員話蕃薯用錫箔盆燒熱，再點雪榚食，不過得燒熱溶牛油沾滿蕃薯，淨食都好甜好味！
柚子雪葩（$16）：肥髀食，酸酸甜甜！好味！
店員服務勤快，而且食物上菜都會解釋用邊款醬料或食法！食完埋單，餐廳仲有一張意見書比我填，可見餐廳都重視客人感受！
今餐食得好舒服！
張貼
