影片
更多
2022-05-26
2171 瀏覽
燒肉の夜放寬晚市之後都冇出過去食燒肉，趁得閒就約咗朋友出嚟食燒肉順便傾吓計😋平日都算多人，餐廳有分吧檯卡位普通座位同房，我哋無訂座就安排坐吧檯位置。餐廳中間有一部清酒機，店員介紹嗰陣 $248 Free Flow! 店員介紹嗰陣都話有10幾款清酒!! 可惜第二日要返工，唔敢飲咁多就只係叫咗一杯Suntory ($58)同埋一杯燒酌 ($65) 🍶其間都見好多人去REFILL清酒的~🔸青蘋果沙律$78 先食個沙律，有蟹子、蟹肉、青瓜絲同青蘋果，酸酸地夠晒開胃。🔸燒鱈魚乾 $58脆卜卜香口嘅鱈魚乾，吹水飲住酒當餐前小食咁食啱晒。❤️以下食物都係有店員代勞🔸壽喜燒 $398 睇住店員整壽喜燒，和牛片加埋甜甜嘅壽喜燒醬汁，蘸蛋漿係最佳嘅配搭。🔸甲羅燒 $98甲羅燒係鵪鶉蛋同蟹膏，有店員攪勻之後拎去燒，燒好之後配埋梳打餅食，更加突顯到鹹香味。🔸炭火雞 $98日本產嘅雞肉，皮脆肉嫩，睇住店員用烤焗嘅方法去燒，食落仲有煙燻嘅味道。🔸日式蒜蓉大虎蝦 $196都係有店員代勞，虎蝦肉爽口彈牙，加蒜蓉更加香同惹味❤️之後就到返自己燒喇!🔸牛肉盛合 $368由餐廳廚師揀嘅日本和牛加美國牛嘅盛合。有油脂豐富嘅日本
放寬晚市之後都冇出過去食燒肉，趁得閒就約咗朋友出嚟食燒肉順便傾吓計😋平日都算多人，餐廳有分吧檯卡位普通座位同房，我哋無訂座就安排坐吧檯位置。餐廳中間有一部清酒機，店員介紹嗰陣 $248 Free Flow! 店員介紹嗰陣都話有10幾款清酒!! 可惜第二日要返工，唔敢飲咁多就只係叫咗一杯Suntory ($58)同埋一杯燒酌 ($65) 🍶
其間都見好多人去REFILL清酒的~
🔸青蘋果沙律$78 先食個沙律，有蟹子、蟹肉、青瓜絲同青蘋果，酸酸地夠晒開胃。
🔸燒鱈魚乾 $58脆卜卜香口嘅鱈魚乾，吹水飲住酒當餐前小食咁食啱晒。
❤️以下食物都係有店員代勞🔸壽喜燒 $398
睇住店員整壽喜燒，和牛片加埋甜甜嘅壽喜燒醬汁，蘸蛋漿係最佳嘅配搭。
🔸甲羅燒 $98甲羅燒係鵪鶉蛋同蟹膏，有店員攪勻之後拎去燒，燒好之後配埋梳打餅食，更加突顯到鹹香味。
🔸炭火雞 $98日本產嘅雞肉，皮脆肉嫩，睇住店員用烤焗嘅方法去燒，食落仲有煙燻嘅味道。
🔸日式蒜蓉大虎蝦 $196都係有店員代勞，虎蝦肉爽口彈牙，加蒜蓉更加香同惹味
❤️之後就到返自己燒喇!🔸牛肉盛合 $368
由餐廳廚師揀嘅日本和牛加美國牛嘅盛合。
有油脂豐富嘅日本和牛：三角肋小排、背峰、三角肥牛
美國嘅就有：牛小排、翼板
仲有牛舌同埋牛心。
日本和牛雪花紋靚又油脂豐富，入口係濃郁嘅油脂香。美國牛嘅肉味相對重啲，厚切嘅牛舌爽口，牛心爽脆。廚師已經用鹽同埋黑椒調味過，所以燒好就咁食已經夠晒味。
🔸壺潰美國牛仔骨 $128有燒肉醬汁醃過，味道微甜而肉質軟淋，最好食梗係黐住牛仔骨骨位嘅筋膜😋
🔸日本雞頸 $58平時比較少燒嘅部位，又估唔到幾好食，口感係爽口嘅。
🔸伊比利亞梅頭 $78Juicy!! 燒好之後剪開仲爆肉汁😂肉質係爽口彈牙，蘸少少由餐廳自家調製嘅燒肉汁已經夠晒味。
🔸豬大腸 $48平時比較少食，估唔到燒過嘅豬大腸係幾好食，餐廳有醃製過，燒到外層少少脆入邊軟淋，香口惹味，都係一個好好送酒嘅燒物
想讚一讚店員服務貼心又細心，叫盛合會問一問會唔會唔食內臟。換碟同收碟都好快手 ^^ 同埋有店員幫手燒嘅都係一啲比較難掌握嘅種類，有人代勞😗咁就唔怕自己燒得唔好而浪費咗啦。
張貼
