重慶燒燒烤旗艦店 (已結業)

男朋友放假，去咗圓方行下，聽講呢頭好多野食，就過嚟尋下食啦！我地個日好早，無咩人，唔使等位！原來呢條食街好近柯士甸站，幾分鐘就行到。芝士焗金針菇蒜容焗金針菇就食得多，竟然見到有芝士同金針菇咁邪惡嘅配搭，即刻心心眼哂！芝士超級多，一夾起拉哂絲，啲芝士包住哂金針菇。金針菇吸咗芝士同牛油嘅香味，幾juicy!燒茄子呢個茄子好巨型，不得了！一定一定要食，因為巨型得嚟，燒得好入味好均勻。燒到啲肉同皮可以岩岩好分得開，而且頭頭尾尾都唔會生或者唔夠味個啲。燒芝士年糕因為係燒唔係炸，所以無咁油膩。年糕煙煙韌韌，好有口感。而且芝士味香濃，同係屋酒屋食到嘅一樣。燒雞腎爽口野一向係我至愛，燒得焦香又彈牙，而且唔韌。加咗啲七味粉，夠哂香口野味。燒牛舌食串燒點可以無牛舌呢！牛舌好厚切，燒得外脆內軟，又夠入味。燒羊仔架一份有兩件，都係45蚊，幾抵食。有兩種醬配比我地點嘅，一種係芥末，另一種就有啲奇奇怪怪，唔知係咩嚟。我就中意唔點醬食，原汁原味麻xd啖啖肉，帶小許油脂香。羊唔會好so，肉質都好嫩。果粒青蘋果汁因為幾熱氣，就叫呢個試下。青蘋果味甜甜的，再加上一啲果粒，都幾好飲嘅。建議加多啲冰，因為好快就溶哂。